Máis de 10.000 solicitudes recíbense ao ano para participar nos programas xuvenís
O concelleiro de Xuventude,Fernando Caride presentou esta mesma mañá o programa de actividades de 2015. Caride asegura que esta programación se basea na demanda e o consello dos usuarios da OMIX polo que moitos programas proseguen a súa “andaina” e outros se modificaron segundo as opinións dos usuarios dos programas. Presentouse un cartel que leva incorporado un calendario no que se mostran as máis de 70 actividades programadas co obxectivo de que os mozos teñan a máxima información e poidan saber de forma detallada cando vai ter lugar cada iniciativa. En total os técnicos cifran en torno ás 10.000 as solicitudes de información para o programa anual de actividades da OMIX, e en máis de 1.500 o participantes nas devanditas actividades.
A primeira destas actividades será a “VIAXE A LA NIEVE” que terá lugar do 15-20 de febreiro na Estación de Formigal (Huesca). O prazo de inscrición pecharase o día 4 de febreiro.
Como principal novidade destaca o Programa “Vente de Marcha”, que este ano completará as súas oito rutas con actividades como golf, barranquismo, kaiaksurf, espeleoloxía ou rappel. Este ano dedícase aos cumios singulares e por iso o obxectivo deste ano será conquistar picos como o Miravalles, Monte Cido e el Oribio.
Dentro da programación destaca a actividade “Este Finde Teño Plan”, que engloba á súa vez varias iniciativas como padelboardunha travesía en veleiro, ráfting, cursos de surf, condución segura, paintball, unha viaxe ao Acuapark de Cerceda e sobre todo, destaca o CITYPLAN, unha viaxe para coñecer unha gran cidade Europea, neste caso Lisboa.
Por outro lado, dentro do programa TRANFORMATE,. sobre talleres de emancipación para mozos e que este ano ofrece a posibilidade de realizar cursos como o de iniciación á hostalaría, manipulador de alimentos, monitor de tempo libre, cursos de cociña rápida, redes sociais e primeiros auxilios.
Así mesmo, séguese mantendo o programa O Verán xa está aquí”, que este ano, tras a reunión mantida cos participantes do pasado campamento se optou por formular un campamento para maiores de idade. Neste sentido, haberá un campamento dirixido a este público aínda que o destino aínda está por confirmar. Os campamentos de verán para nenos de 9 a 17 anos mantéñense e engádese o de 18 a 20 anos
Outra das actividades que repiten este ano é o denominado “Por Fin é Venres”, que se estrutura de forma diferente. O primeiro venres de cada mes dedicarase á “zumba”, o segundo a un torneo, o terceiro venres a un obradoiro e o último será organizado polos usuarios. Trátase dun conxunto actividades que se levan a cabo na Casa dás Palmeiras todos os venres con talleres variados que se programan en función da demanda dos usuarios.
